საქართველოს კულტურისა და ძეგლთა დაცვის სამინისტროს მხარდაჭერით, სოფელ სხვიტორში აკაკი წერეთლის სახელობის სახელმწიფო მუზეუმის კომპლექსში შემავალი საგამოფენო დარბაზის სრული რეაბილტაცია ხორციელდება. 

საგამოფენო სივრცის სარეაბილიტაციო სამუშაოების დასრულების შემდეგ, საქართველოს კულტურისა და ძეგლთა დაცვის სამინისტროსა და საჩხერის მუნიციპალიტეტის გამგეობის მხარდაჭერით, ექსპოზიციის მოწყობა დაიწყება, რომელსაც საქართველოს ეროვნული მუზეუმის სპეციალისტები განახორციელებენ.