საქართველოს ეროვნული მუზეუმის შალვა ამირანაშვილის სახელობის ხელოვნების მუზეუმში ხვალ უკრაინელი მხატვრისა და ლიტერატორის ალექსანდრე პავლოვის პერსონალური გამოფენა - „შორეული ხეტიალიდან დაბრუნებისას“ გაიხსნება.

”სულიერი და სექსუალური ძალადობა, ღალატი, გამოუვალი მდგომარეობა, განურჩევლობა, განგაში და შიში - სწორედ ეს თემები წარმოადგენს ალექსანდრე პავლოვის ნამუშევრების შინაარსს. 

მხატვარი თავის ფერწერაში აქცენტს აკეთებს ხელოვნებისა და რეალობის ურთიერთდამოკიდებულების პრობლემაზე. მასთან ხელოვნება განხილულია სიყვარულის, ტანჯვის, რწმენის, მრისხანების, მხიარულებისა და სიკვდილის პრიზმაში”, - ნათქვამია ინფორმაციაში.