ტურისტებისთვის წყალტუბოზე 2 წუთიან საიმიჯო ვირტუალურ კლიპს გადაიღებენ, სადაც საკურორტო ქალაქის ღირსშესანიშნავი ადგილები იქნება ნაჩვენები.

,,წყალტუბოს განვითარების ფონდის“ დამფუძნებელი მამუკა ჩხეტიანის თქმით, კლიპისთვის 4 ლოკაცია შეირჩა : პრომეთეს მღვიმე, ცივი ტბა , სათაფლიის მღვიმე და წყალტუბოს ცენტრალური პარკი. 

კლიპის ღირებულება 25 000 ლარია, რომელსაც ,,ბავშვთა და ახალგაზრდობის განვითარების ფონდი“ აფინანსებს.

საიმიჯო კლიპის გადაღება წყალტუბოზე 2 დღეში დაიწყება და მაყურებელი ოქტომბრის თვეში იხილავს, ერთ-ერთი ქართული ტელემაუწყებლის საშუალებით.

კლიპი თანამედროვე ტექნოლოგიების დახმარებით მზადდება და მსურველებს, საშუალება ექნებათ,ვირტუალური სათვალის მეშვეობით იმოგზაურონ, საკურორტო ქალაქში.

პროექტის სახელწოდებაა ,,ვირტუალური ტური იმერეთში“ რომლის ფარგლებში, გადაიღებენ კლიპს.