სიმონ ჯანაშიას სახელობის საქართველოს მუზეუმში, 23 ივნისს პროექტის - „ქართული მონეტების ოქროს კოლექცია“ პრეზენტაცია გაიმართება. 
პროექტის ორგანიზატორების ცნობით, პროექტი წიგნ-ალბომსა და მონეტების კოლექციას აერთიანებს, 24 განსხვავებული მონეტა, საქართველოს ისტორიას ქრონოლოგიურად გვიამბობს.

„ქართული მონეტების ოქროს კოლექცია“ ყველა ადამიანს აძლევს საშუალებას, გახდეს წიგნი-ალბომის მფლობელი, თვეში ერთხელ კი პირად კოლექციას თითო მონეტა შემატოს. წიგნ-ალბომში საგანგებოდაა გამოყოფილი ადგილები, რომელიც საქართველოს ეროვნულ მუზეუმში დაცული მონეტების ზუსტი ასლებით ივსება. ალბომს მოჰყვება სპეციალური ლუპა. 
პროექტი საქართველოს ეროვნული მუზეუმის, „გამომცემლობა პალიტრა L“-ისა და ,,კვირის პალიტრის’’ მიერ განხორციელდა. ალბომზე ნუმიზმატთა და ისტორიკოსთა გუნდი დიდი ხნის განმავლობაში მუშაობდა. წიგნ-ალბომში წარმოდგენილი მონეტების ორიგინალები დაცულია საქართველოს ეროვნულ მუზეუმში.