საქართველოს კათოლიკოს-პატრიარქმაილი მეორემ ,ყოვლადწმიდა სამებისსაკათედრო ტაძარშისულთმოფენობის დღესასწაულთან დაკავშირებით, საღვთო ლიტურგიააღავლინა დამართლმადიდებლებს წმიდასამების დღესასწაულიმიულოცა. 

" ბედნიერია ის ადამიანი, ბედნიერია ის ერი, რომელსაც წინ უძღვის სულიწმიდა. დღეს ჩვენ ვდღესასწაულობთ ჩვენი საპატრიარქოს ტაძრის დღესასწაულს, რომელიც აშენებულია ღვთის განგებით ჩვენი ერის მიერ, წმიდა სამების სახელით.

სახარებაში წერია, რომ აღდგომიდან 50-ე დღეს მოციქულები შეკრებილი იყვნენ იერუსალიმში და მათზე გადმოვიდა სულიწმიდა ცეცლის სახით და მათ დაიწყეს ლაპარაკი უცხოურ ენაზე. 

ეს იყო უდიდესი მადლი. სულიწმიდა მამისგან გადმოვიდა მადლი უძლურთა მკურნალი და ნაკლოვანებათა აღმავსებელი. 

დღეს, ჩვენ შევასრულეთ მწუხრი და წაკითხული იყო მუხლმოდრეკის ლოცვები, სადაც შევთხოვეთ მშვიდობა ჩვენი ქვეყნისა. მშვიდობა მართლმადიდებელი ეკლესიისა და ჩვენ ვფიქრობთ, რომ მადლი სულისა წმიდისა გაამთლიანებს საქართველოს, დაგვიბრუნებს აფხაზეთსა და სამაჩაბლოს. გამთლიანდება ჩვენი ერი სიყვარულით, სარწმუნოებით და სიხარულით", - ბრძანა პატრიარქმა.