საქართველოს ქორეოგრაფთა კავშირი დღეს, ფილარმონიაში საქართველოს დამსახურებული არტისტის, „ღირსების ორდენის“ კავალერის, „სუხიშვილების“ ყოფილი სოლისტის, სამხრეთ ოსეთის ადმინისტრაციის კულტურისა და სპორტის სამსახურის უფროსის, ამავე ადმინისტრაციასთან არსებული სიმღერისა და ცეკვის სახელმწიფო ანსამბლ “ნართების“ სამხატვრო ხელმძღვანელის, ომარ ხუბაევის სახელობითი ვარსკვლავის გახსნისადმი მიძღვნილ საზეიმო კონცერტს გამართავს.

საქართველოს ქორეოგრაფთა კავშირის ინფორმაციით, ღონისძიებაში მონაწილეობას მიიღებენ ქვეყნის მასშტაბით მომუშავე სახელმწიფო და აკადემიური ანსამბლები, ასევე ჩრდილოეთ ოსეთიდან მოწვეული კოლექტივები.