”ოქსფამის საქართველოს წარმომადგენლობა” და ბიოლოგიურ მეურნეობათა ასოციაცია „ელკანა“ ხვალ საქართველოს ფერმერთა რიგით მეორე კონგრესს გამართავს. 

”ოქსფამის საქართველოს წარმომადგენლობის” ინფორმაციით, საქართველოს რეგიონების მასშტაბით კონგრესს 150-მდე ფერმერი დელეგატი დაესწრება, რომლებიც მთავრობის წევრებს შეხვდებიან და აგროსფეროში არსებული გამოწვევების შესახებ იმსჯელებენ. 

ორგანიზატორების განცხადებით, ღონისძიება თბილისის საგამოფენო ცენტრ „ექსპო ჯორჯიაში“ გაიმართება. კონგრესზე მოწვეული არიან ქვეყნის ცხრა რეგიონის ფერმერი დელეგატები, რომლებიც შეხვდებიან სოფლის მეურნეობის სექტორში გადაწყვეტილების უფლებამოსილ ოფიციალურ პირებს და აგროსფეროს გამოწვევების შესახებ დიალოგს გამართავენ.