„საქართველოს ფოლკლორის ეროვნული ფესტივალი 2015-2016“-ის მეორე ტურის კონცერტები 30-31 მაისს, ფოთში, გუნიას სახელობის პროფესიული სახელმწიფო თეატრის სცენაზე გაიმართება.

მაყურებლის წინაშე წარსდგებიან სამეგრელო-ზემო სვანეთის, გურიის, აჭარის - ხულოს, შუახევის, ქედის ფოლკლორული ანსამბლები, ინდივიდუალური შემსრულებლები, ქორეოგრაფიული ანსამბლები, მგალობელთა გუნდები და სახალხო მთქმელები.

„ფესტივალი მოიცავს ხალხურ სიმღერასა და ცეკვას, საკრავიერ მუსიკას, ტრადიციულ საეკლესიო გალობას, ზეპირსიტყვიერებას, სახვით და გამოყენებით ხელოვნებას. ფესტივალში მონაწილეობს საქართველოში მცხოვრები ყველა ეთნოსი და ეთნიკური ჯგუფი”, - აცხადებენ ფოლკლორის ეროვნულ ცენტრში. 
ფესტივალი 2015 წელს ივნისში, თელავში გაიხსნა და საქართველოს ყველა რეგიონი მოიცვა.