2-3 ივნისს, რუსთაველის თეატრი, თეატრისა და კინოს ცნობილ მსახიობ მაქსიმ ავერინს უმასპინძლებს. როგორც ”ინტერპრესნიუსს” საქართველოს კულტურის პალატიდან აცნობეს, მსახიობი ქართველი მაყურებლის წინაშე სპექტაკლით ,,ყველაფერი სიყვარულით იწყება’’ წარსდგება. 

მსახიობი საქართველოში საქველმოქმედო აქციის „შენ, მე, ჩვენ - ერთად სიცოცხლისთვის“ ფარგლებში ჩამოვა.

ღონისძიება საქართველოს კულტურის პალატის ორგანიზებითა და თბილისის მერიის კულტურული ღონისძიებების ცენტრის მხარდაჭერით ჩატარდება. როგორც ორგანიზატორები აღნიშნავენ, საღამოდან შემოსული თანხა შეჭირვებულთა დახმარების ფონდში გადაირიცხება.