10 მარტს, სრულიად საქართველოს კათოლიკოს-პატრიარქის ფონდთან არსებულ ინტელექტუალურ-შემეცნებით სტუდიაში, "ახალგაზრდების ინტელექტუალური და სულიერი განვითარების პროგრამის" ფარგლებში, სალექციო ციკლის -„სასულიერო ხელოვნება და სიმბოლიკა“- მესამე შეხვედრა შედგა, რომელიც ჩაატარა ხელოვნებათმცოდნეობის დოქტორმა ასმათ ოქროპირიძემ. ლექციაზე  იყო საუბარი სხვადასხვა ქვეყნების კულტურული მემკვიდრეობის შესახებ, თუ რამდენად განსხვავდებიან ისინი ერთმანეთისგან; იყო მცდელობა, ამ მემკვიდრეობათა ინდივიდუალობათა ახსნისა  შესაბამისი მსოფლმხედველობებით, რადგან რელიგიები აყალიბებენ მათთვის სასიცოცხლოდ მნიშვნელოვან ესთეთიკურ სისტემებს, რომლებიც აისახება  ხელოვნებაში . ამ  მხრივ  განხილული იყო ძველი  შუამდინარეთის, ეგვიპტის, საბერძნეთის, რომის  აგრეთვე ბიზანტიისა და კათოლიკური  არქიტექტურა  და სახვითი ხელოვნების განმასხვავებელი მხატვრული ხედვები. გარდა  რელიგიური  განზომილებისა შემოტანილი იყო გეოგრაფიული გარემო, მისი განუმეურებლობა და შესაბამისი  ინტერპრეტაცია სხვადასხვა ქვეყნებსა და ეპოქებში, სხვადასხვა რელიგიების სიმბოლური აზროვნების გამოხატულება არქიტექტურასა და სახვით ხელოვნებაში.