2015 წლის 3 ნოემბრიდან, სრულიად საქართველოს კათოლიკოს-პატრიარქის ფონდის ინტელექტუალურ-შემეცნებითი სტუდიამ, “მედიაცია - კონფლიქტების (მათ შორის რელიგიურის) მოგვარება მოლაპარაკების გზით” პროგრამის ფარგლებში ახალი სალექციო კურსი დაიწყო.

სალექციო კურსის პირველ მეოთხედში (ნოემბერი-დეკემბერი), ლექციებს უძღვებოდა საერთაშორისო ექსპერტი, პროფესორი გიორგი ჩალაძე.

პირველი მეოთხედის სალექციო კურსი მოიცავდა შემდეგ მიმართულებებს:

1. დავებისა და კონფლიქტების არსი, მათი წარმოშობის მიზეზები, მოგვარების მეთოდები. მედიაცია.

2. მედიაცია, მედიაციის ტიპები, მეთოდები, ეტაპები.

3. კონფლიქტი და კულტურა - კულტურათა გადაკვეთა.

4. ბოდიშის მოხდა, მიტევება, პატიება.

5. პატიება.

6. ტაქტიკა, როგორ უნდა მოუგოთ კონფლიქტში მეორე მხარეს.

7. დისკრიმინაცია.

“ინტელექტუალურ-შემეცნებითი სტუდია” კათოლიკოს-პატრიარქის საერთაშორისო საქველმოქმედო ფონდმა საერთაშორისო ორგანიზაცია “World Vision”-ის მხარდაჭერით 2011 წელს დაარსა.

სტუდიაში სწავლა უფასოა. დამთავრების შემდეგ გაიცემა შესაბამისი სერთიფიკატი.