სრულიად საქართველოს კათოლიკოს-პატრიარქის ფონდის ინტელექტუალურ-შემეცნებითი სტუდია,  აცხადებს მსმენელთა მიღებას პროექტის  -  ,,მედიაცია - კონფლიქტების (მათ შორის რელიგიურის) მოგვარება მოლაპარაკების გზით“ - ფარგლებში.

პროგრამა მოიცავს შემდეგ სალექციო კურსს:

• ტრადიციული რელიგიები საქართველოში;

• სახელმწიფო და რელიგია; 

• ადამიანის უფლებათა ევროპული კონვენცია;

• მედიაცია - კონფლიქტის მოგვარება მოლაპარაკების გზით;

• კონფლიქტის ფსიქოლოგია; 

• აზროვნების ფილოსოფია; 

• ტრადიცია და რელიგიური წეს-ჩვეულებები. 

• პროგრამით გათვალისწინებულია კულტურულ-შემეცნებითი ღონისძიებები: მუზეუმების, საგამოფენო დარბაზების დათვალიერება, კონცერტებსა და სპექტაკლებზე დასწრება.

ლექციებს წარუძღვებიან ცნობილი მეცნიერები და პედაგოგები.

სალექციო კურსი დაიწყება 2015 წლის 3 ნოემბერს და ჩატარდება ყოველ სამშაბათს, 16 საათზე, კათოლიკოს-პატრიარქის საერთაშორისო საქველმოქმედო ფონდის ოფისში. ლექციების კურსის ხანგრძლივობა შეადგენს 8 თვეს, ერთი შეხვედრის ხანგრძლივობაა 2 აკადემიური საათი.

სტუდიაში მსმენელებად მიიღებიან 18-დან 26 წლამდე ასაკის ახალგაზრდები.

სტუდიაში სწავლა უფასოა. დამთავრების შემდეგ გაიცემა შესაბამისი სერთიფიკატი.

განცხადებების მიღება იწარმოებს 2015 წ-ის 12 ოქტომბრიდან 30 ოქტომბრის ჩათვლით, 12 დან 17 სთ-მდე (შაბათ-კვირის გარდა).

მსურველებმა მოგვმართეთ შემდეგ მისამართზე: თბილისი, რუსთაველის გამზირი №21 ან ელ. ფოსტის მეშვეობით: info@patriarch.ge

ცნობებისათვის დარეკეთ ტელ.: 298 49 76.

გთხოვთ თან იქონიოთ პირადობის დამადასტურებელი მოწმობის ან სტუდ. ბილეთის ქსეროასლი.