გაიხსნა კლასიკური მუსიკის საერთაშორისო ფესტივალის „აღდგომიდან ამაღლებამდე“ ახალი ვებ-საიტი - www.easterfestival.ge

წელს ფესტივალს იუბილე აქვს - მას ათი წელი უსრულდება.

საიტზე განთავსებულია ფესტივალის დაარსებისა და მისი ათწლიანი მოღვაწეობის ისტორია, სიახლეები, ვიდეო და ფოტო ალბომები, წლევანდელი, საიუბილეო ფესტივალის, პროგრამა და სხვა საინტერესო ინფორმაცია.

შეგახსენებთ, რომ ფესტივალი დაარსდა 2006 წელს სრულიად საქართველოს კათოლიკოს-პატრიარქის ლოცვა-კურთხევით. დამფუძნებლები არიან სრულიად საქართველოს კათოლიკოს-პატრიარქის საერთაშორისო საქველმოქმედო ფონდი და „აკაკი რამიშვილის ფონდი – ტრადიცია და ინოვაცია“.

2006-2010 წლებში ფესტივალს სამხატვრო ხელმძღვანელობა გაუწიეს გამოჩენილმა მუსიკოსებმა მარინე იაშვილმა, ლიანა ისაკაძემ, ბიძინა კვერნაძემ, ანზორ ერქომაიშვილმა; ასევე ახალგაზრდა პიანისტმა ვალერიან შიუკაშვილმა, კომპოზიტორმა და დირიჟორმა ნიკა მემანიშვილმა (ნიკოლოზ რაჭველი).

2011 წლიდან ფესტივალის მუდმივი სამხატვრო ხემძღვანელია მსოფლიოში აღიარებული პიანისტი ალექსანდრე კორსანტია.