11 თებერვალს, ქალაქ თბილისის №198 საჯარო სკოლაში, გაიმართა ამავე სკოლის მოსწავლეებისა და ორგანიზაცია „მშობელთა ხიდის“ დღის ცენტრის ბენეფიციარების - შეზღუდული შესაძლებლობის მქონე ბავშვთა და მოზარდთა გამოფენა.

გამოფენაზე წარმოდგენილი იქნა სრულიად საქართველოს კათოლიკოს-პატრიარქის საერთაშორისო საქველმოქმედო ფონდის 2014 წლის სამეცნიერო საგრანტო კონკურსში გამარჯვებული პროექტის - „არტთერაპია – სპეციალურ საგანმანათლებლო საჭიროებების მქონე მოსწავლეებისათვის“ ფარგლებში შექმნილი ნამუშევრები.