ა/წლის 11 თებერვალს (ოთხშაბათს), 11 საათზე, შარტავას №20-ში, სსიპ-ქალაქ თბილისის №198 საჯარო სკოლაში, გაიმართება სსიპ - ქალაქ თბილისის №198 საჯარო სკოლის სსსმ მოსწავლეებისა და ა/ორგანიზაცია „მშობელთა ხიდის“ დღის ცენტრის ბენეფიციარების შეზღუდული შესაძლებლობის მქონე ბავშვთა და მოზარდთა ორიგინალური გამოფენა.

ღონისძიების მომზადება შესაძლებელი გახდა სრულიად საქართველოს კათოლიკოს-პატრიარქის ილია II - ის საერთაშორისო საქველმოქმედო ფონდის კეთილი ნებით და მხარდაჭერით. გამოფენაზე წარმოდგენილი იქნება სრულიად საქართველოს კათოლიკოს-პატრიარქის საერთაშორისო საქველმოქმედო ფონდის 2014 წლის სამეცნიერო საგრანტო კონკურსში გამარჯვებული პროექტის „ეფექტური სწავლა/სწავლება ყველასათვის“ (არტთერაპია – სპეციალურ საგანმანათლებლო საჭიროებების მქონე მოსწავლეებისათვის) ფარგლებში შექმნილი ნამუშევრები და ნახატები.