არქიმანდრიტ ილია კარტოზიას ცხედარი მცხეთაში, სვეტიცხოვლის ტაძარშია დასვენებული. დღეს, წირვის დასრულების შემდეგ, არქიმანდრიტის ცხედარს წმინდა დავით აღმაშენებლის სახელობის ტაძარში გადაასვენებენ და ამავე მონასტრის ეზოში დაკრძალავენ.

საქართველოს პრეზიდენტმა გიორგი მარგველაშვილმა მცხეთის დავით აღმაშენებლის სახელობის მამათა მონასტრის წინამძღვარი, არქიმანდრიტი ილია კარტოზია “სამაგალითო სამოქალაქო თავდადებისა და გმირობისათვის, განსაკუთრებული პიროვნული მამაცობის გამოვლენისათვის, “სამოქალაქო თავდადებისათვის” (სიკვდილის შემდეგ)” დააჯილდოვა.

ევროპაში სიწმინდეების მოსალოცად მყოფი მამა ილია კარტოზია, ადრიატიკის ზღვაში ბორან “ნორმან ატლანტიკზე” 28 დეკემბერს გაჩენილი ხანძრისას დაიყუპა. გემზე 500-მდე ადამიანი იმყოფებოდა. მათ შორის იყო საქართველოს რვა მოქალაქე. მამა ილიას გარდა ყველა მათგანი ცოცხალია და უვნებელი გადარჩა. ბორანზე გაჩენილი ხანძრის შედეგად, სულ 11 ადამიანი გარდაიცვალა.