ინსტრუმენტული ანსამბლ-ტრიო ,,ბრავოს“ ორგანიზებით და გერმანიის საელჩოს საქართველოში მხარდაჭერით, გრძელდება პროექტის ,,თანადგომა“ - დევნილთა სამოქალაქო განათლებისა და ჩართულობისათვის“ ლექცია-კონცერტები.

პროექტი „თანადგომა“ ითვალისწინებს საქართველოს სხვადასხვა რეგიონებში, დევნილთა ჩასახლებებში, დევნილთათვის სამოქალაქო განათლების საკითხებზე, საზოგადოებაში მათი აქტიური ჩართულობისა და ინტეგრაციისთვის სახელმწიფო სტრუქტურების მუშაობის გაცნობას, მათი საქმიანობის წარმოჩენას, აგრეთვე დევნილთათვის საინტერესო თემებზე ლექცია-კონცერტების ორგანიზებას ტრიო ,,ბრავოს“ შესრულებით. პროექტის „თანადგომა“ პარტნიორებია: საქართველოს პარლამენტის ეროვნული ბიბლიოთეკა (უზრუნველყოფს დევნილთა ჩასახლებებს სხვადასხვა სახის ლიტერატურით), სრულიად საქართველოს კათოლიკოს-პატრიარქის ილია II საერთაშორისო საქველმოქმედო ფონდი (გადასცემენ საეკლესიო და საპატრიარქოს ეგიდით გამოცემულ წიგნებს), დავით სარაჯიშვილის საქველმოქმედო ფონდი (დევნილ ბავშვებს გადასცემს საჩუქრებსა და ტკბილეულს); მხარდამჭერები: დევნილთა და განსახლების სამინისტრო, განათლებისა და მეცნიერების სამინისტრო, დიასპორის სახელმწიფო მინისტრის აპარატი, აფხაზეთის ავტონომიური რესპუბლიკის მთავრობა და სამხრეთ ოსეთის ადმინისტრაცია.