ივერიის ყოვლადწმინდა ღვთისმშობლის ხატის ასლის საქართველოში ჩამობრძანებიდან დღეს 25 წელი გავიდა. მახათას მთაზე მშენებარე ივერიის ყოვლადწმინდა ღვთისმშობლის სახელობის ტაძარში პარაკლისი სრულიად საქართველოს კათოლიკოს–პატრიარქმა ილია მეორემ გადაიხადა. ამ ფაქტთან დაკავშირებით საზეიმო წირვა-ლოცვა აღევლინა, რომელსაც საქართველოს პრემიერ–მინისტრთან ერთად, მთავრობის წევრები და ასევე თბილისის მერი დაესწრნენ.