2014 წლის 11 ივლისს გაიმართა სრულიად საქართველოს კათოლიკოს-პატრიარქის, უწმინდესი და უნეტარესი ილია II-ის საერთაშორისო საქველმოქმედო ფონდის მმართველი საბჭოს სხდომა. საბჭომ მოისმინა და განიხილა ფონდის მიერ გამოცხადებული 2014 წლის სამეცნიერო-საგრანტო  კონკურსის ფარგლებში აგრარული და აგროინჟინერიის მიმართულებებით შემოსული პროექტები, რომელთაც ექსპერტების მაღალი შეფასება დაიმსახურეს.

2014 წლის სამეცნიერო-საგრანტო  კონკურსი სრულიად საქართველოს კათოლიკოს-პატრიარქის, უწმინდესი და უნეტარესი ილია II-ის საერთაშორისო საქველმოქმედო ფონდისა  და ბიზნესმენ დავით იაკობაშვილს შორის გაფორმებული მემორანდუმის  თანახმად გამოცხადდა. სამეცნიერო გრანტების კონკურსის მიზანია, ხელი შეუწყოს გამოყენებითი და ტექნოლოგიური ხასიათის სამეცნიერო კვლევის შედეგების დანერგვას და განვითარებას, წიგნიერების დონის ამაღლებას, ღიად გამოცხადებული საგრანტო კონკურსის გზით შეარჩიოს და დააფინანსოს შესაბამისი მიმართულების პროექტები.