15 ივნისს სვეტიცხოვლის საკათედრო ტაძარში სადღესასწაულო წირვის დასრულების შემდეგ მრევლს ქადაგებით მიმართა და ყოველთა წმინდანთა ხსენების დღე მიულოცა უწმიდესმა და უნეტარესმა ილია მეორემ.

“წყალობა შენი უფალო, თანამავალ მყავ მე ყოველთა დღეთა ცხოვრებისა ჩემისათა”, – სვეტიცხოველი ეს სიტყვები უნდა თქვას ყოველმა ადამიანმა, მით უმეტეს, ყოველმა ქართველმა მკვიდრმა საქართველოისი. მე არ ვიცი რითი ვიმსახურებთ ამდენ წყალობას უფლისაგან. აი, დღეს კიდევ ერთი უდიდესი წყალობა მოგვივლინა უფალმა. დღეს ხელდასმულია ბელგიისა და ჰოლანდიის ეპისკოპოსი დოსიფეოსი,” – ბრძანა პატრიარქმა.

უწმიდესის თქმით, უცხოეთში წასულ ქართველებს უფალმა გამოუჩინა საშუალება, რომ უცხოეთში დღეს ბევრი სამღვდელო პირი მსახურობს, გაჩნდა ახალი ეპარქიები და ეს ეპარქიები ჩნდება არა ქართველი ხალხის დასამკვიდრებლად, არამედ – სამშობლოში დასაბრუნებლად.

“ქართველი ხალხი უნდა დაბრუნდეს თავის მიწა-წყალზე, იმიტომ, რომ ქართველი უცხოეთში ვერ ხარობს. ქართველი ხალხი უნდა იყოს ახლოს თავის ფესვებთან, მამაპაპათა სამყოფელთან”, – ბრძანა ილია მეორემ.

უწმინდესმა ყოველთა წმინდათა ხსენების დღის შესახებ ისაუბრა.

პატრიარქმა ახლადნაკურთხ მეუფე დოსიფეს დიდი მადლი და წყალობა უსურვა, რათა ეს მადლი გაამრავლოს მან უცხოეთში მყოფ ქართველებს შორის.

პატრიარქმა ახლად ნაკურთხ მეუფეს ეპისკოპოსის კვერთხი უბოძა.