სრულიად საქართველოს კათოლიკოს-პატრიარქმა, უწმინდესმა და უნეტარესმა, ილია მეორემ საქართველოს ეკლესიის უმაღლესი ჯილდოთი, წმინდა გიორგის ორდენით რამდენიმე პირი დააჯილდოვა. 

წმინდა გიორგის ორდენით დაჯილდოვდნენ - ქართული ნევროლოგიური სკოლის განვითარებაში შეტანილი წვლილისთვის რომან შაქარაშვილი; საქართველოს სახელმწიფოსა და საქართველოს მართლმადიდებელ ეკლესიას შორის სამართლებრივი ურთიერთობის განვითარების საქმეში შეტანილი დიდი წვლილისთვის - ჯონი ხეცურიანი, მეღვინეობა-მევენახეობის სამეცნიერო დარგში შეტანილი დიდი წვლილისთვის - ნოდარ ჩხარტიშვილი.

აღნიშნული პირების დაჯილდოების თაობაზე პატრიარქმა მახათას მთაზე, ივერიის ღვთისმშობლის ხატის სახელობის ეკლესიაში პირველი წირვის დასრულების შემდეგ განაცხადა.