ბრწყინვალე სოლო საშემსრულებლო კარიერასთან ერთად, მევიოლინე იზაბელ ფაუსტისა და  პიანისტ ალექსანდრე მელნიკოვის შემოქმედებითი ტანდემი ძალზედ ნაყოფიერი აღმოჩნდა. მათი რეპერტუარი ყოველთვის მრავალფეროვანი და საინტერესოა. დუეტს უდიდესი წარმატება მოუტანა უმსხვილეს ფირმა „HarmoniaMundiArose“-სთან თანამშრომლობამ. მრავალი ნაწარმოები ჩაწერეს ამ სტუდიაში. თუმცა, ყველაზე დიდი გამოხმაურება მოყვა ბეთჰოვენის ათივე სონატას ვიოლინოსა და ფორტეპიანოათვის. ეს დისკი  წარდგენილი იყო გრემის დაჯილდოვებაზე და მოპოვებული აქვს „გრამოფონის“, ასევე  „ECHO Klassik“-ის (გერმანია) ჯილდოები. 

წლევანდელ ფესტივალზე ფაუსტისა და მელნიკოსვის დუეტის მიერ აჟღერდება ბეთჰოვენის ყველა, ათივე სავიოლინო სონატა და ქართველ მსმენელს საშუალება მიეცემა თავად მოისმინოს აღნიშნული ნაწარმოებების “შესრულების  ეტალონად“ მიჩნეული ინტერპრეტაცია.