წმიდა მამა გაბრიელის სხეულის წმინდა ნაწილები სამების საკათედრო ტაძარში აღდგომის დღესასწაულამდე, 20 აპრილამდე დარჩება.

წმიდა მამის ნაწილებს სამების ტაძარში დღე-ღამეში 70 ათასამდე ადამიანი მოილოცავს.

ბეთანიელი მამების – ღირსი მამა იოანე (გიორგი) მხეიძისა და ღირსი იოანე მაისურაძის წმიდა ნაწილები ბეთანიის მონასტრის ღვთისმშობლის შობის ტაძარში ასევე, აღდგომამდე იქნება დასვენებული.

საპატრიარქოს ცნობით, დიდმარხვის ბოლოს, კათოლიკოს-პატრიარქი მიიღებს გადაწყვეტილებას, სად იქნება წმიდა მამა გაბრიელისა და ბეთანიელი მამების საბოლოო განსასვენებელი. შესაძლოა, ისინი აკლდამებში ჩაასვენონ.