სრულიად საქართველოს კათოლიკოს-პატრიარქი, უწმიდესი და უნეტარესი ილია მეორე სვეტიცხოვლის საკათედრო ტაძარში მიბრძანდა და მამა გაბრიელის წმინდა ნაწილებთან ილოცა.

ტაძარში დაბრძანებული ღირსი მამა გაბრიელის ხის ლუსკუმა სასულიერო პირებმა რამდენიმე წუთით გახსნეს. მამა გაბრიელი შავ შესამოსელშია.

პატრიარქმა მომლოცველებს მამა გაბრიელის შემწეობა უსურვა.

პატრიარქი სვეტიცხოველში კვირას, 10:00 საათზე საღმრთო ლიტურგიას აღავლენს.

სასულიერო პირები სვეტიცხოველში დღეს ღამისთევის მსახურებას ჩაატარებენ.

ღირსი მამა გაბრიელის ნეშტს სვეტიცხოვლის ტაძარიდან 24 თებერვალს თბილისში, სამების საკათედრო ტაძარში დააბრძანებენ, სადაც მომლოცველებს ერთი კვირის განმავლობაში საშულება ექნებათ, წმიდა ნაწილებს პატივი მიაგონ.