გუშინ, 3 ივლისს, სრულიად საქართველოს კათოლიკოს-პატრიარქის საერთაშორისო ფონდში მხატვარ–გრაფიკოსის, კულტუროლოგიის დოქტორის, ივანე ჯავახიშვილის სახელობის თბილისის სახელმწიფო უნივერსიტეტის ჰუმანიტარული ფაკულტეტის პედაგოგის, მიხეილ ჩხენკელის წიგნის "ქრისტეს ჯვარცმა ევროპულ ფერწერაში" პრეზენტაცია გაიმართა.

ბოლო წლების განმავლობაში მიხო ჩხენკელი აქტიურად იკვლევს ფერწერულ ნაწარმოებებში ბიბლიური სიუჟეტების გადაწყვეტის თავისებურებებს, ხატის როლს ადამიანის სულიერ სრულყოფაში. აღნიშნული ნაშრომიც ეხება ჯვარცმის თემას და ჯვარს, როგორც ქრისტიანობის უმთავრეს სიმბოლოს დასავლეთ ევროპულ ფერწერაში.