“კონსტანტინეპოლი ცნობს საქართველოს მართლმადიდებელი ეკლესის იურისდიქციას აფხაზეთში”, - ამის შესახებ ილია მეორემ სტამბულიდან დაბრუნების შემდეგ სამების საკათედრო ტაძარში განაცხადა. უწმინდესმა მრევლი დალოცა და ქადაგებით მიმართა.

"მან რამდენჯერმე გაიმეორა, რომ კონსტანტინეპოლი ცნობს საქართველოს ეკლესიის იურისდიქციას აფხაზეთში და ღვთის მადლით ყველაფერი მშვიდობით დამთავრდა. ძალიან ვწუხვარ, რომ აქ ჩემი არყოფნის დროს ქუჩებში  არასასიამოვნო გამოსვლები იყო და  მადლობა უფალს აქაც ყველაფერი მშვიდობიანად დამთავრდა", - ბრძანა ილია მეორემ.

 კათოლიკოს-პატრიარქი თურქეთში რამდენიმე დღის განმავლობაში იმყოფებოდა.