საქართველოს ეკლესიის გადაწყვეტილებით, 2013 წელი თამარ მეფის წლად ცხადდება, - ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საკვირაო ქადაგებისას ბრძანა. როგორც უწმინდესმა აღნიშნა, 2013 წელი საიუბილეო წელია, რადგან მეცნიერები ფიქრობენ, რომ წელს თამარ მეფის გარდაცვალებიდან 800 წელი სრულდება .

"არსებობს სხვა მოსაზრებებიც, თუმცა მეცნიერთა უმეტესობა ასე თვლის, ამიტომ გადავწყვიტეთ, რომ ამ წელს თამარ მეფის წელი დაერქვას. წმინდა თამარ მეფე შეეწიოს სრულიად საქართველოს, გაამთლიანოს და გაახაროს ქვეყანა და ყოველი ადამიანი", - ბრძანა უწმინდესმა.