“მივდივართ მოსკოვში, საყურადღებო საკითხებზე იქნება მსჯელობა”, - ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში, სადღესასწაულო წირვის დასრულების შემდეგ ქადაგებისას ბრძანა.

ამასთან, უწმინდესმა მიმართა მრევლს, ილოცონ ღვთისმშობლისადმი, როცა შეძლებენ.

"მოწყალებისა კარი განგვიღე კურთხეულო ღვთისმშობელო", - უწმინდესმა ეს ლოცვა მრევლთან ერთად სამჯერ გაიმეორა.

"მივდივართ მოსკოვში, საყურადღებო საკითხებზე იქნება მსჯელობა. ილოცეთ, შეავედრეთ საქართველო უფალს და რაც შეგიძლიათ ილოცეთ "მოწყალებისა კარი განგვიღე", - ბრძანა უწმინდესმა.

ქადაგების შემდეგ პატრიარქმა 26 გვარი დალოცა. დღეს ასევე სამების ტაძრის ეზოში წყალკურთხევის რიტუალი შესრულდა.

საქართველოს კათოლიკოს-პატრიარქი, უწმინდესი და უნეტარესი ილია მეორე მოსკოვში ხვალ მიემგზავრება.