სრულიად საქართველოს კათოლიკოს-პატრიარქს, უწმინდესსა და უნეტარესს ილია მეორეს საიუბილეო თარიღებთან დაკავშირებით უკრაინის ეკლესიისა და უკრაინის პრეზიდენტის ორდენები გადაეცა.

საქართველოს საპატრიარქოში უკრაინის მართლმადიდებელი ეკლესიის დელეგაცია და უკრაინის ელჩი საქართველოში ვასილ სიბენკო იმყოფებოდნენ. საქართველოს პატრიარქს უკრაინის მართლმადიდებელი ეკლესიის მთავარეპისკოპოსმა ალექსანდრე დრაბინკომ პატრიარქს დიდი სიყვარულის ნიშნად ანტონ და ფიოდორ პეჩორელების სახელობის უკრაინის მართლმადიდებელი ეკლესიის ორდენი გადასცა, ხოლო უკრაინის ელჩმა საქართველოში ვასილ ციბენკომ უკრაინის პრეზიდენტის ჯილდო - პირველი ხარისხის ორდენი.

ვასილ ციბენკომ ჟურნალისტებს განუცხადა, რომ უკრაინის პრეზიდენტის ვიქტორ იანუკოვიჩის განკარგულებით, სრულიად საქართველოს კათოლიკოს-პატრიარქს პირველი ხარისხის ორდენი საქართველო-უკრაინას შორის სულიერი და კულტურული კავშირების გაღრმავებასთან დაკავშირებით გადაეცა.