ბიბლიის თარგმნის ჯგუფი სრულიად საქართველოს კათოლიკოს-პატრიარქის, უწმინდესისა და უნეტარესის ილია II-ის ლოცვა-კურთხევით 20 წლის წინ შეიქმნა და მისი ხელმძღვანელია საპატრიაროქოსთან არსებული წმიდა მეფე დავით აღმაშენებლის სახელობის განათლების ცენტრის თავმჯდომარე, რუსთავისა და მარნეულის მთავარეპისკოპოსი იოანე (გამრეკელი). ჯგუფის მიზანია, ეკლესიის წიაღში ახალ ქართულ ენაზე ითარგმნოს ბიბლია (ძველი და ახალი აღთქმის წიგნები) წმიდა წერილის თარგმნის მრავალსაუკუნოვანი ტრადიციის შესაბამისად.



ამ დრომდე ჯგუფის მიერ ახალი აღთქმის წიგნებიდან ცალ-ცალკე გამოცემულია მათეს, მარკოზის, ლუკას და იოანეს სახარებები, ხოლო ძველი აღთქმის წიგნებიდან: შექმნა და გამოსვლა.



წმიდა სახარების თარგმანი შესრულდა ძველი ბერძნულიდან, ძველი ქართული თარგმანების და წმიდა მამების განმარტებების გათვალისწინებთ; შეჯერდა სლავურ, ევროპულ და აქამდე ახალ ქართულ ენაზე არსებულ გამოცემებთან.

ღონისძიების მხარდამჭერია: სრულიად საქართველოს კათოლიკოს-პატრიარქის საერთაშორისო საქველმოქმედო ფონდი.