“დიდია წყალობა ღვთისა საქართველოზე”, - ამის შესახებ საქართველოს კათოლიკოს-პატრიარქმა, უწმინდესმა და უნეტარესმა სიონის ღვთისმშობლის მიძინების სახელობის ტაძარში უფლისადმი სამადლობელი პარაკლისის შესრულების შემდეგ ბრძანა.

პარაკლისის დასრულების შემდეგ უწმინდესმა მრევლს მცირე ქადაგებით მიმართა. პატრიარქმა ბრძანა, რომ დიდია წყალობა ღვთისა საქართველოზე და მადლობას უხდის უფალს ამისთვის.

ასევე, უწმინდესმა მადლობა გადაუხადა მრევლს დიდი სიყვარულისთვის, მისდამი ლოცვებისათვის, დალოცა ტაძარში შეკრებილები, აკურთხა.

პატრიარქის კურთხევით ასევე ტაძარში შეკრებილებს ტკბილეული დაურიგდათ. ტაძარი და ტაძრის შესასვლელი ეზო მომლოცველებით სავსე იყო.

დღეს უწმინდესი 80 წლის გახდა.