30 მაისს 18:00 საათზე სასტუმრო ქორთიარდ მერიოტში ჩატარდა ნელი ბერაიას ნამუშევრების გამოფენა - გაყიდვა "ფერწერა მძივებით".

გამოფენა გახსნა სრულიად საქართველოს კათოლიკოს-პატრიარქის საერთაშორისო საქველმოქმედო ფონდის გენერალურმა მენეჯერმა ბატონმა ლაშა ჟვანიამ, რომელმაც აღნიშნა, რომ "კათოლიკოს-პატრიარქი დიდ მნიშვნელობას ანიჭებს საქართველოში მოღვაწე ხელოვანების მიერ შექმნილი ნამუშევრების პოპულარიზაციას და შესაბამისად მოწვეულ სტუმრებს მოუწოდა გახდნენ ქ-ნ ნელი ბერაიას შემოქმედების ელჩები და შეძლების დაგვარად ხმა მიაწვდინონ საზოგადოებას ამ ნამუშევრების საქართველოში არსებობის შესახებ".

ნელი ბერაია თვითნასწავლი მხატვარია. ის უკვე 15 წელია ხატავს. ამ დროის განმავლობაში ჩტარდა მისი 10 პერსონალური გამოფენა. ქალბატონი ნელი პროფესიით ჟურნალისტია. "ფერწერას მძივებით" მსოფლიოში ანალოგი არ ჰყავს.
გამოფენა ჩატრადა სრულიად საქართველოს კათოლიკოს-პატრიარქის საერთაშორისო საქველმოქმედო ფონდისა და თბილისის მერიის მხარდაჭერით.