დღეს, 14 დეკემბერს, 12:00 საათზე, "ქორთიარდ მარიოტის" საკონფერენციო დარბაზში გაიხსნა II საერთაშორისო კონფერენცია -"შემობრუნება სულიერებისაკენ", რომელიც ეძღვნება უწმიდესისა და უნეტარესის, სრულიად საქართველოს კათალიკოს-პატრიარქის, ილია II-ის აღსაყდრებიდან 35 და დაბადებიდან 80 წლის იუბილეს.

კონფერენცია ტარდება საქართველოს კულტურისა და ძეგლთა დაცვის სამინისტროს მხარდაჭერითა და საქართველოს მართლმადიდებელ ეკლესიასთან არსებული ქრისტიანული კვლევის საერთაშორისო ცენტრის ორგანიზებით.

ღონისძიებას დაესწრნენ საქართველოს მთავრობის წარმომადგენლები, დიპლომატიური კორპუსი, წმინდა სინოდის წევრები და საპატრიარქოს წარმომადგენლები.

კონფერენცია ორდღიანია და 15 დეკემბერს დაიხურება.