საქართველოს ეკონომიკური ძლიერება ჩვენი ეროვნული ამოცანაა. ქვეყანა, რომელიც თავის ბუნებრივ რესურსებს გონივრულად და მიზანმიმართულად ითვისებს, მომზადებულად ხვდება მსოფლიო ცივილიზაციის გამოწვევებს, ძლიერდება და ღირსეულ მომავალს იქმნის. საკუთარი ნავთობი და გაზი ჩვენი ენერგეტიკული დამოუკიდებლობისა და ეკონომიკური კეთილდღეობის საწინდარია. სრულიად საქართველოს კათოლიკოს-პატრიარქის საერთაშორისო ფონდში შეიქმნა სახელმწიფო პროგრამის კონცეფცია, რომლის მიზანი საკუთარი რესურსების გონივრული გამოყენებით ქვეყნის ეკონომიკური გაძლიერებაა. ამ დარგის განვითარებას ეროვნულ-სახელმწიფოებრივი მნიშვნელობა აქვს, რომელზედაც ერთნაირადაა პასუხისმგებელი ერიცა და ბერიც. მხოლოდ ერთობლივი ძალისხმევით იქნება ნათელი საქართველოს ხვალინდელი დღე.