სრულიად საქართველოს კათოლიკოს-პატრიარქი, უწმიდესი და უნეტარესი ილია II რუსეთის მართლმადიდებელი ეკლესიის მიერ საერთაშორისო პრემიით დაჯილდოვდება.

“უწმიდესის დაბადებიდან 80 და აღსაყდრებიდან 35 წელთან დაკავშირებით, კათოლიკოს-პატრიარქი ილია II განსაკუთრებული დამსახურებისათვის მართლმადიდებელ ხალხთა და ეკლესიათა შორის ძმური ურთიერთობების განმტკიცების საქმეში” მართლმადიდებელ ხალხთა ერთობის საერთაშორისო საზოგადოებრივი ფონდის პრემიით დაჯილდოვდება.

პრემია ყოველწლიურია და მას რუსეთის მართლმადიდებელი ეკლესია სასულიერო და პოლიტიკურ ლიდერებს, ასევე გამოჩენილ საზოგადო მოღვაწეებს გადასცემს.

კათოლიკოს-პატრიარქი ილია II მომავალი წლის დასაწყისში მოსკოვშია მიწვეული. 23 იანვარს ქრისტე მაცხოვრის სახელობის საპატრიარქო ტაძარში პრემიის საზეიმო გადაცემა შედგება.