2009 წლის 6 იანვარს, სრულიად საქართველოს კათოლიკოს-პატრიარქის საერთაშორისო საქველმოქმედო ფონდთან არსებული ,,ნავთობისა და გაზის“ დროებითი კომისიის ინიციატივით ჩატარდა ეროვნული სახელმწიფო პროგრამის კონცეფციის - `საქართველოს ნავთობისა და გაზის საძიებო და მომპოვებელი დარგის განვითარება სისტემური მოდელირებისა და მონიტორინგის, აგრეთვე, სხვა თანამედროვე ტექნოლოგიების საფუძველზე~ - განხილვა, რომელშიც მონაწილეობა მიიღეს საქართველოს წამყვანმა მენავთობეებმა.
,,ნავთობისა და გაზის“ დროებითმა კომისიამ ორი წლის განმავლობაში მოამზადა კონცეფციის ანალიტიკური დასაბუთება, რომელიც ეყრდნობა ქართველი და უცხოელი სპეციალისტების კვლევითი მასალების სისტემურ ანალიზს; ჩატარდა ორი სამეცნიერო კონფერენცია; ანალიტიკური დასაბუთების მასალები გასაცნობად გაეგზავნა დარგში მომუშავე ყველა ორგანიზაციას, საიდანაც მიღებული იქნა რეცენზიები.
თათბირში მონაწილეოაბა მიიღეს: ,,საქართველოს ტექნიკური უნივერსიტეტის”, ,,საქართველოს ნავთობისა და გაზის კორპორაციის”,
,,კანარგო ენერჯი კორპორეიშენის”, ,,ფრონტერა ისტერნ ჯორჯიას”,
,,იორის ველი ნავთობი და გაზის”, ,,სტრეიტ ოილ-გაზის” სპეციალისტებმა და პატრიარქის ფონდის ,,ნავთობისა და გაზის“ დროებითი კომისიის ექსპერტებმა. თათბირის ყველა მონაწილემ მხარი დაუჭირა კონცეფციის კორექტირებულ ვარიანტს.
კონცეფცია, ანალიტიკური დასაბუთებასთან ერთად განსახილველად გადაეცემა საქართველოს მთავრობას.