სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ და სასჯელაღსრულების მინისტრმა სოზარ სუბარმა სასჯელაღსრულების #1 დაწესებულება მოინახულეს.

"იმედი მაქვს, ხელისუფლება, პრეზიდენტი და სხვანი, მოიღებენ მოწყალებას და გაათავისუფლებენ პატიმრებს. იმედი მაქვს, რომ ღვთის მადლით და ჩვენი ლოცვით, ჩვენი ხელისუფლების ნებით, პატიმრები იქნებიან თავისუფლები. უნდა გავაგრძელოთ ლოცვები და შევთხოვ უფალს, რომ ვიხილოთ თავისუფალი პატიმრები. მიუხედავად იმისა, რომ მძიმე სურათია, როცა ამდენი ხალხია ციხეში, იმედი მაქვს, რომ გათავისუფლდებიან პატიმრები", - ბრძანა პატრიარქმა.

სოზარ სუბარის თქმით კი, პატრიარქი პატიმრებს პირადად გაესაუბრა, ყველა მათგანი დალოცა.

პატრიარქმა ასევე მოინახულა #1 დაწესებულებაში მყოფი მოშიმშილე პატიმრები, რის შედეგადაც მათ შიმშილობა შეწყვიტეს.