ბატონო დავით,

საქართველოს ეკლესიის და პირადად ჩემი სახელით მიიღეთ გულითადი მილოცვა პარლამენტის თავმჯდომარედ არჩევასთან დაკავშირებით. თქვენი მრავალწლიანი პოლიტიკური მოღვაწეობა დღეს დაგვირგვინდა და აი, ერის წინაშე უკვე მეტად საპატიო და საპასუხისმგებელო თანამდებობით წარსდექით.

თქვენი ცოდნა და გამოცდილება, თქვენი გონიერება და სიდინჯე, ვფიქრობთ, დიდად წაადგება საქართველოს ამ ერთ-ერთი რთული და წინააღმდეგობით სავსე პერიოდის დაძლევაში. ღმერთმა დაგლოცოთ თქვენ და თქვენი ოჯახი და მოგცეთ ძალა ღვთისა და ქვეყნის წინაშე ერთგული და თავდაუზოგავი მსახურებისათვის.

ღრმა პატივისცემით,

ილია II

სრულიად საქართველოს კათოლიკოს-პატრიარქი

26.10.2012