საქართველოს მეცნიერებათა ეროვნულ აკადემიაში დღეს ქართლის ცხოვრების ახალი _ ქართული და რუსული გამოცემების პრეზენტაცია გაიმართა. ორივე გამოცემის მთავარი რედაქტორი აკადემიკოსი როინ მეტრეველია. საზეიმო ღონისძიებას სრულიად საქართველოს კათოლიკოს პატრიარქი უწმინდესი და უნეტარესი ილია მეორე დაესწრო. აღსანიშნავია, რომ ქართლის ცხოვრების ახალი გამოცემა სწორედ საქართველოს ეკლესიის საჭეთმპყრობლის დაბადებიდან 75-ე და აღსაყდრებიდან 30-ე წლისთავს ეძღვნება. უწმინდესმა და უნეტარესმა აკადემიკოს როინ მეტრეველს გაწეული შრომისთვის საჩუქრად ოქროს ჯვარი გადასცა. ქართლის ცხოვრების ახალ შეჯერებულ ვარიანტზე სარედაქციო კოლეგია 10 წელი მუშაობდა. ამ დროის განმავლობაში ერთმანეთთან შეჯერდა ცნობილი და ახლადაღმოჩენილი ვარიანტები. მათ შორის გამორჩეულია 5 ძირითადი ვარიანტი : მარიამისეული, ანასეული, ჭალაშვილისეული. მაჩაბლისეული და კლიმიაშვილისეული რედაქციები, რომელიც მკვლევართა მიერ სხვადასხა დროს არის აღმოჩენილი. აღსანიშნავია, რომ ქართლის ცხოვრება რუსულ ენაზე პირველად გამოიცა.