19 ივნისს, 15:00 საათზე, სრულიად საქართველოს კთოლიკოს-პატრიარქის საქველმოქმედო ფონდის ოფისიში (რუსთაველის გამზ #21), პროექტის -  „ვაჩუქოთ ერთმანეთს სიყვარული“ -  ფარგლებში, გაიმართება საქართველოს საპატრიარქოსთან არსებული კეთილმსახური მეფე თამარის სახ. სკოლა-პანსიონის (დირ. მამა მირიან სამხარაძე) უმცროსკლასელთა ნახატების საქველმოქმედო გამოფენა-გაყიდვა. შემოსული თანხა მოხმარდება შეჭირვებულ ოჯახებში მცხოვრები ინვალიდი ბავშვებისათვის მედიკამენტებისა და სხვა საჭირო ნივთების შეძენას.

ღონისძიების ორგანიზატორია - სრულიად საქართველოს კათოლიკოს-პატრიარქის საქველმოქმედო ფონდი და საქართველოს კულტურის ხელშეწყობისა და განვითარების ფონდი.