17 ივნისს, 12:00 საათზე, სამების საკათედრო ტაძარში, სრულიად საქართველოს კთოლიკოს-პატრიარქი  ილია II დალოცავს პროექტის  - „ვაჩუქოთ ერთმანეთს სიყვარული“ მონაწილეებს -  თბილისის  17 საჯარო სკოლის უმცროსკლასელებს, პედაგოგებს, მშობლებს.

ყოველკვირეული პროექტის  - „ვაჩუქოთ ერთმანეთს სიყვარული“ - ფარგლებში პატრიარქის ფონდში მთელი წლის განმავლობაში თბილისის საჯარო სკოლების  უმცროსკლასელთა ნახატების საქველმოქმედო გამოფენა-გაყიდვა იმართებოდა. შემოსული თანხა მოხმარდა ინვალიდი ბავშვებისათვის მედიკამენტებისა და სხვა საჭირო ნივთების შეძენას.

პროექტის ორგანიზატორები არიან  სრულიად საქართველოს კათოლიკოს-პატრიარქის საერთაშორისო საქველმოქმედო ფონდი და საქართველოს კულტურის ხელშეწყობისა და განვითარების ფონდი.