ჩვენთან არს ღმერთი!

გილოცავთ წმინდა პირველმოწამე თეკლას დღესასწაულს. მისი ლოცვა შეგეწიოთ თქვენ და საქართველოს.

დღეს ჩვენ ვლოცავთ შემდეგ გვარებს: ნაცვალაძეებს, ხატიძეებს, ქურდაძეებს, გაბადაძეებს და ღუღუნიშვილებს. ღმერთმა დაგლოცოთ, გაგახაროთ და გაგამრავლოთ. ღმერთმა მოგცეთ მშვიდობა, სიხარული, სიყვარული და მტკიცე რწმენა.

დღეს ჩვენ ვაჯილდოებთ შემდეგ სამღვდელოებას:

იღუმენი იოანე (გვეტაძე) აღყვანილია არქიმანდრიტის ხარისხში. აქსიოს!

დეკანოზი ზურაბი (კიკაძე) დაჯილდოებულია გამშვენებული ჯვრის ტარების უფლებით. აქსიოს!

დეკანოზი სერაფიმე (გოგოლაძე), დაჯილდოებულია გამშვენებული ჯვრის ტარების უფლებით. აქსიოს!

მღვდელი გიორგი (ხაჩიძე) დაჯილდოებულია ოქროს ჯვრის ტარების უფლებით და აღყვანილია დეკანოზის ხარისხში. აქსიოს!

მღვდელი ნიკოლოზი (ჯაიანი) დაჯილდოეუბულია ოქროს ჯვრის ტარების უფლებით და აღყვანილია დეკანოზის ხარისხში. აქსიოს!

მღვდელი პლატონი (გელაშვილი) დაჯილდოებულია ოქროს ჯვრის ტარების უფლებით და აღყვანილია დეკანოზის ხარისხში. აქსიოს!

მღვდელი ბართლომე (ბიწაძე) დაჯილდოებულია ოქროს ჯვრის ტარების უფლებით და აღყვანილია დეკანოზის ხარისხში. აქსიოს!

მღვდელი გრიგოლი (ქობალია) დაჯილდოებულია ოქროს ჯვრის ტარების უფლებით და აღყვანილია დეკანოზის ხარისხში. აქსიოს!.

შეგახსენებთ, რომ ა.წ. 9 ოქტომბერს, სამშაბათს, მახათას მთაზე, ივერიის ყოვლადწმინდა ღვთისმშობლის ხატის სახელობის ტაძარში, ივერიის ყოვლადწმინდა ღვთისმშობლის ხატის დღესასწაულთან დაკავშირებით 9 საათზე აღევლინება წმინდა ლიტურგია, ხოლო 12 საათზე მისი უწმინდესობა და უნეტარესობა სრულიად საქართველოს კათოლიკოს-პატრიარქი მღვდელმთავრებთან ერთად გადაიხდის ყოვლადწმინდა ღვთისმშობლის სავედრებელ პარაკლისს.

შეგახსენებთ იმასაც, რომ მომავალ კვირას არის სვეტიცხოვლობა. შაბათ საღამოს 5 საათზე სვეტიცხოველში დაიწყება საღამოს ლოცვა და კვირას, 10 საათზე, საღმრთო ლიტურგია.

ჩვენთან არს ღმერთი!