,,პატრიარქის ფონდი მოწოდებულია ხელი შეუწყოს მართლმადიდებლური და ქართული მსოფლმხედველობის განმტკიცებას საზოგადოებაში, რითაც მტკიცე საფუძველი შეექმნება ქართულ სახელმწიფოებრიობას. ყოველი საქმიანობა საჭიროებს გარკვეულ დაფინანსებას, ფინანსების წარმომავლობა კი განსაზღვრავს ამა თუ იმ საქმიანობის მიმართულებას, ანუ ქართული პროექტების დაფინანსების ყველაზე ოპტიმალური საშუალება არის კათოლიკოს-პატრიარქის ფონდი”

,,ფონდში მრავალი პროექტი შემოდის; ყოველი წარმოდგენილი პროექტის საფუძვლიანი განხილვისას მხედველობაში მიიღება ის, თუ რამდენად მნიშვნელოვანია ამა თუ იმ პროექტის განხორციელება სულიერების, კულტურისა და მეცნიერების განვითარებისთვის და მხოლოდ ამის შემდეგ მმართველი საბჭო იღებს გადაწყვეტილებას მისი დაფინანსების შესახებ.”

,,ძნელია ყველა იმ სიკეთის ჩამოთვლა, რომელსაც ეს ფონდი აკეთებს. ვფიქრობ, რომ მისი მადლი საუკუნეებს გაჰყვება. მარტო მუსიკის დარგში რამდენი სასიკეთო საქმე გაკეთდა: პატრიარქის ფონდთან შეიქმნა ქართული გალობისა და ხალხური სიმღერის უმაღლესი მუსიკალური სასწავლებელი, რომელიც აღზრდის მომავალ ლოტბარებსა და რეგენტებს, რომელთა დიდ დეფიციტს განვიცდით; ოზურგეთში, ხობსა და სტეფანწმინდაში ახალგაზრდობისათვის გაიხსნა სამგალობლო და ხალხური სიმღერების შემსწავლელი სკოლები. . .”

ფონდის მუშაობის მთავარი პრინციპია: ქართული სულიერების, ისტორიის და სამეცნიერო-კულტურული კვლევების მხარდაჭერა და, რაც მთავარია, თანამედროვე თემატიკის სტიმულირება. შეფასების კრიტერიუმია: როგორც განსახილველი პროექტების სიახლე, ასევე დღევანდელი საქართველოსათვის აქტუალური ახალი ხედვა.

,,დღეს, როდესაც მთელი ჩვენი საზოგადოება ღრმა ზნეობრივი და სულიერი კრიზისაითაა მოცული, მისი უწმიდესობის ინიციატივით საპატრიარქოსთან შექმნილი სულიერების, კულტურისა და მეცნიერების აღოეძინების ფონდი, ფაქტობრივად, ერთადერთი სტრუქტურაა ქვეყანაში, რომელიც რეალურ პრაქტიკულ ნაბიჯებს დგამს ამ კრიზისის დასაძლევად”

,,ჩვენი საზოგადოება გაერთიანებული უნდა იყოს იმ იდეის გარშემო, რასაც ეკლესია ჩვენი მომავალი თაობის აღსაზრდელად და მისი სულიერი და ზნეობრივი გადარჩენისათვის გვთავაზობს. ფსიქოლოგობი თქვენს სამსახურში გვიგულეთ.”

,,სრულიად საქართველოს კათოლიკოს_პატრიარქის ფონდი, დიდი იმედია იმ მოაზროვნე , შემოქმედი ადამიანებისათვის, რომელთაც მხარდაჭერა სჭირდებათ თავიანთი იდეების სისრულეში მოყვანისათვის”