2006 წელს სრულიად საქართველოს კათოლიკოს-პატრიარქის ფონდთან და თბილისის სასულიერო აკადემიასთან დაარსდა ქართული საგალობლისა და ხალხური სიმღერის საერთაშორისო ცენტრი, რომლის მიზანია ლოტბართა მომზადება, სამგალობლო სასწავლებლებისა და ფოლკლორული ცენტრების დაარსება და ქართული კულტურის პოპულარიზაცია საზღვარგარეთ.

ქართული საგალობლისა და ხალხური სიმღერის საერთაშორისო ცენტრის მიერ თბილისის სასულიერო აკადემიასთან დაარსდა საეკლესიო გალობისა და ხალხური სიმღერის უმაღლესი სასწავლებელი;
ქ. ოზურგეთში დაფუძნდა მიხეილ შავიშვილის სახელობის კრიმანჭულის სკოლა;
სტეფანწმინდაში დაარსდა საეკლესიო გალობისა და ხალხური სიმღერის სკოლა;
2007 წლის სექტემბერში ჩატარდა ფესტივალი ,,არსად ისე არ მღერიან, როგორც აქ, ამ ქვეყანაში".